نـقـل ایــدور خـتــم نـبـی بـو خبر عـظـمــانی

بیـر گیجه درک ایلـدیم پیک حـق سـبـحــانـی

بیله فــرمــایـش ایــدوبــدور منه جبریـل امین

وار قـابـاقــدا سنیـچون بـیـر سفر عــرفــانـی

فــاتــح خیـبـره بـو سری ازل فـاش ایـلــدیــم

بـاخبـر ایـلــدیــم اول شـاه مـلـک سیـمــانـی

یاعلی٬ سویلدیم عرش حقه من گیتمه لیـرم

عشق معشوقیله ترک ایلـدیـم اول سلطـانی

حقه لبیک دیــوب گــویـلــره مـعــراج ایـلــدیـم

اوردا گـوردیـم ولی من شبهه لی بیر جریانی

یـولـومـی سالـدیم ازل روضـه ی رضوانه طرف

قـاپـونـی چـالــدیــم علـی آچـدی در رضـوانی

عـرش اعـلاده او مـولانــی مـلاقــات ایـلـدیــم

دل شب ده ایـلـه بـیـر گـوردی گـوزیـم رویانی

قـویــدی حـیــرتده منی٬موهبت و شأن علی

شـوقـیـدن اولـدی او بحرانـدا گــوزیـم بـارانـی

آری آری شـرف عــــالـم امـکـــانــدور عــلـــی

کـیـم علی شیعه سیدی گورمیه جاق نیرانی

متن قـرآن ایـلــه تـوصـیـف عـلــی دور یـکـسـر

بـیـلـروخ کـیـمـدی عـلـی گـر اوخیساخ قـرآنی

قـل کـفـی آیـه سی کافـیـدی عـلـی شأنینده

هل اتی دور کی تـحـیـرده قــویــوب طـاهـانـی

قبله ی عشقیدی کی کعبه ده دنیـایـه گـلـوب

روز مــولــــودی اولــوب بـیـت خــدا نــــورانــی

ایسته دی الله اوزیـن گـورسه ده چشم بشره

دلـده یـافــاطـمـه٬ خـلـق ایـتـدی شه مـردانی

 گوردی لایق دگول هیچ کیمسه اولا یار عــلـی

بیر بیله ســروره٬ همسر یـــارادوب زهـــرانــی

ساقی کــوثــر و زهــرا٬ بیری گوندی٬ بیری آی

اولــدیـلار هـر ایـکـیـسی جاه و جلالت کـانــی

اون بـیـر اولــدوزلاری وار بــرج حـیــاده بـولارین

گــویـده اولــدوزلار اولار تـک تـکـیـنـیـن قـربانی

مـفـتـخـردور بـونـا کـی هـمـسـر زهـرادور علی

نجه زهـــرا٬ شـرف و شـأن و شـرافـت کــانـی

نـجـه زهــرا کی اونـون وصـفینی حـورالــر ایـدر

عصمت فــاطـمـه حـیـرت ده قــویــوب حـورانـی

انـبـیـــا غـبـطـه ایـــدر مـــوهــبــت زهــــــرایـــه

اونـدان اورگـشـدی مـلـک مــعـرفـت و تـقـوانی

دم عـیـسـی یـک هـــزارم ز دم فـــــاطـمـه دی

لطف زهــــرادی٬ مـسـیـحــا ایـلـیـوب عیسانی

عفو ایـدوب آدمـی٬ زهـــرایـه گـــوره حـی غفور

بـاصـفــا درگــهـیـنـه ویــــردی کـنـیـز حـــوانــی

فــاطـمـه نفرین ایدن شخص یـامان درده دوشر

ایـکـی دنـیــــاده تـــاپـــولـــمــاز ابـدا درمـــانــی

فـــاطـمـه ایـلـسـه نـفـریـن ٬ اولار عـالـم ویـران

عـشـق زهــــــــرا ایــدر آبــــاد دل ویــــرانــــی

کـهـکـشــان لار ایـاقـیــن اوپـمـگـه فـخـر ایـلـلر

عـلـم و عـرفـانـدا اولــوب عــــالــمـه ی ربــانـی

بـاخ جـلال و جـبــروتـــه بــو گــل طـــــاهـــــاده

ملکوت اهـلــی اولــوب درگــهـیـنـیـن دربــانــی

بسدی شأنینده بـو بـیـر کلمه٬ کی خلاق قدیر

اونـا خـاطـر یـارادوب عـــالـــم مــــافـیــهــانـــی

مــاه تـابـان کــی دیـــوللر او هـمـان زهــــرادی

نـور رخســاریــدی کـی روشن ایــدوب دنیــانی

نـجـه زهــــرا٬ کـی حیـا اونـدان آلوب درس حیا

سوزی بی پـرده دیـدوم درک ایلسون مـعنـانی

او کـی انـذار عمـومـی ده حجاب سیز دولانــور

نـطـفـه سی شکی لیـدی٬ لکه لیدور دامـانـی

ولـی زهـــرا یـوزیـنـی گــورمــه دی نامحــرم لر

 اقـتـدا ایـلـر اونـا اولـسـا کـیـمـیـن ایـمـــــانــی

 نیه زهــرا ایشیره چیخمادی بیر یول باش آچیغ

چون حجـابـیـلـه تـانـولـلار بـشـر و حـیـــوانـــی

ایشیدوبسوز بونی زهــــرا یوزینه سیلی دگوب

دسـت ظـلـم ایـلـه دی پـرپـر او گـل رعـنــانــی

نقل ایدور راوی یاپوشموشدی خانیم معجرینی

ویـرابـیـلـمـزدی وگـر نـه اونـی بـی دیـن ثـانــی

فـــاطـمـه فــاتــح خـیـبـر کـیـمــی نـــام آوردی

فــرقــی یــوخ حـضـرت زهـــــراده ایله حیدردی

شــاه خـیـبـردن آلـوب دخـت نـبـی درس وقــار

یـاعـلـی٬ غـم یـمه سویلردی کی تا فاطمه وار

ایستـه دی اونــدا کـی حیـدردن عـدو بیعت آلا

خـانـه ی وحیه تـوکـولــدی او زمــان اهـل جفا

قــاپــونـی چـالــدی عــدو ٬ دخت پیمبر گلـدی

بـیـلـه فــرض ایـلـه در خـیـبـره حـیـدر گـلـــدی

گلدی امــا قاپـودا گـوردی قیـامت دی٬خـانـیـم

دیدی کیمسوز٬ دیدیلر موقـع بیعت دی خانـیـم

یوخدی فرصت داخی گیت سید احراری چاغور

گـلـمـیـشـوخ بیعت آلاخ حیـدر کـــراری چـاغـور

چوخ آغـیـر گـلدی بو سـوز همسر خیبر شکنه

دیـدی ای قــوم ظـلــم آنــد اولا شــــاه زمــنـه

فـتـح بــاب ایـلــمـــــرم دیــنـه هــــــوادارم مـن

حق عـلــی نیندی بیلون حقه طــرفـــدارم من

نـیـلـیـسـوز حـیــدر کـــــــراری اونـا یـــارم مـن

هـر سـوزوز واردی دیـرون٬ حـیــدر کــرارم مـن

بـرج عصمت ده منی نـور جـلـی فـرض ایلیرون

پشت درده منی سیز ایندی علی فرض ایلیرون

تک گوروبسوز سیز علی نی مگر ای لشگر کین

بو همان شخصی دی کی اوپدی الین روح الامین

بـو عـلـــی دور آدی اعـــلادی اوزی اعــلـم دی

اونـی تـعــریـف ایـلـیـرن ذات حـق اعــظـم دی

نــه فــقــط مـن٬ بــونـــا یــــاوردی حـق داورده

گـر اشــاره ایـلـسـه آی دوتـــولار گــــویــلـرده

 کیمدی سر دسته ویـز ای لشگـر بـی حیثیت

جنگ ایـده حیـدریـلـن کـیـمـده مگـر وار قـدرت

 کیمده وار جـر‌أت اگــر بـو قـاپـیـا درسین الیـن

چاغوریم شیرخدا فـوری گلوب کسسین الیـن

الــغـرض ثـانـی بـی شـرم و حیـا گلـدی دیلـه

غـیـضـیـلـه دخـتـر پـیـغـمبره عرض ایتدی بیله

کیشی چالسا قاپونی فوری چیخار ایـودن آقـا

گله بـیـلـمــور قـاپـیـا بس نیه حــیـدر٬ زهـــرا

قــاپـیـا سن نیـه گـلـدون دینن حیـدر گلسین

فـتـح بـاب ایـلـمـگـه فــــاتــح خـیـبـر گلسین

حـضـرت فـــاطـمـه امـــر ایلدی ای ثانی دون

امدیگون صود سنی دنیــاده ایـدوبدور مجنون

حیدری گــورمـگه سن چوخ بیله ایتمه عجله

قاپیدان گیتمسوز امکانیده چوخدور کی گـله

دوزدی بو سوز کیشی چالسا خانیم آچماز قاپونی

سن بیلن یــرده یـقـیـنــأ بـیـلـورم منده بونی

اولأ من قــاپـونـی آچمـــارام اصلا ٬ بونی بیل

منی با عصمت و عفت یــــارادوب حی جلیل

خانه ی حیدری گوردیم دولـی دشمن گلدیم

بیر بویوک علتی وار کـی قــاپـیـا مـن گـلـدیم

 خصم قرآنی من عمرومده کیشی بیلمزدیـم

کیشی اولسیدوز اگر٬ من قـاپـیـا گـلـمـزدیـم

آل سفیان کـیـمـی ابلیس صفت فرد اولــمـاز

کل دنـیـاده سـوزون تک داخـی نـامرد اولـمـاز

مرد اودی حق دانـیـشـوب حق دیـرنه یاور اولا

نـه کـی نـاحـق دانیـشوب دشمن پیغمبر اولا

مرد اودی خانه نشیـن اولــمـاقیـنا راضی اولا

اولــمـیـا راضـی ولـی مـلـتـی نــاراضــی اولا

مرتضی مرد سـلـحـشـوریـدی٬یوخ همتاسی

تـیـتـردر پـیـکــر اعــــدانــی قــد رعـنــاسـی

ذولـفـقـــار الـده اگـر چیخسا عـلـی پـیـکــاره

مـین بیله لشگر اولا٬ ویــرمـز امـان اشـــراره

مـنـده حـیـدر کـیـمـی شیرافکن بی پـروایـم

 هـمـسـر شـیـرخـدا٬ شیـر زنـم٬ زهــــرایــم

رخصتیم اولـسـا اگــر قلبـوزی من یـانـدیررام

گردنوزدن یاپوشوب شاخه کیمی سیندیررام

عاقبت گـوردی عدو حیله لری دوتـمـویـاجـاخ

معاویه گلسه ده ٬ زهـــرا قاپونی آچمویاجاخ

ال اله ویــردیـلر اوز عـهـدیـلریـن سـیـندیرالار

ثانی دستور ویروب حق قـاپـوسین یـانـدیرالار

یا امـام زمـان عـفـو ایله کی سوز گلدی بیله

طـوطـی طـبـعیمی بو درد و محن گتدی دیله

آچمـارام چوخ سوزی تنها بیر اشـاره ایـدورم

قـاپیا گتـدی هـجـوم اونـدا کـی اشـرار ظـلـم

بـیـلمـورم قالدی نه حاله شه خیبر٬ او زمـان

اوت ویــروبـلار قــاپـیـا آتـش ایـدوبــدی فـوران

قـاپـیـا حـمـلـه ایــدن نـچـه نـفـر کـــافــریـدی

قــاپـونـیـن دا دالیـسـیـنـدا گـل پـیـغـمـبریدی

دیمورم هیچ نه حالا قـالــدی او دریـــای وقــار

گل قـالا گـــور در و دیـــوار آراسـیـنـدا نـه اولار

ایـلـدریــم تک او زمـــان آتش محنت شاخـدی

ایستی مسمار باتوب سینه سینه قان آخدی

گــویـده حـورا بـاش آچـوب نـالـیـه عالم گلدی

عـرشیدن فرشه او دم حـضــرت خـاتـم گلدی

یــارالانـدی گل طـاهــا گـلــوب افـغـــانـه ملک

دیدی زهرا٬ علی قربانون اولوم قـــالــدون تک

عـصـمـتـیـنـدن دیـمه دی یـاعلی امدادیمه گل

بیر فقط سـسـلـدی فضه ئـولورم دادیـمـه گل

فلکین چرخی سیـنـا قـلـبـیـمـی القان ایتدی

ظلمیله سیندی قولیم٬محسنیم الدن گیتـدی

باشیمه گلدی نلر٬ ایسته میرم بیلسین علی

گیت سن الله قاپیا قـویـمـاقیلان گلسین علی

سینه مـون قانی آخور بـیـرده قولومـدا یـارا وار

منی بـو حـالــدا اگـر گـورسـه قـیــامـت یـارادار

مـحـنـتـیـم آغـلاداجاق حیـدرین آغـلار گـوزینی

اونا فاش ایتمه موشم من هله سیلی سوزینی

 دیـن پـیـغـمـبـره قــربـان ویــرورم مـن جانیمی

وار امـیـدیــم گله بیر گون آلا مـهـــدی قـانیمی

ای(فـتــا) ایله دعـا تیز گلـه زهــــرا بــالاســی

ایندیده وار یولونی گـوزلـوری مـظـلـوم آنـاسی

 مـهــدی فـاطـمـه حیدر کیمی بی واهمـه دی

آدیـنـا قـــربـان اولــوم مـنـتـقـم فــــاطــمه دی

واقـعـیـت دی بـو سـوز وارث احمـد گـلـه جـاخ

قــــــائــم مـنـتــظــر آل مــحــمــد گـلـه جـــاخ


       فرهـادی مراغه ای