زینب ای سر گشته لر سر گشته سی  -----ای مصاف خیر وشر آشفته سی

ای بها خلق ایلین آیندیه  -----ای جهانین سیر ائدن آینده سی

آسمان عصمت آی صبر الدوزی  -----صبرین آی خلقتده کی پرونده سی

سن متانت داغنون تفسیریسن  -----ای وقارین دهریده زینبده سی

خشم وطوفان طبیعت سنده وار  -----شیر زن یوخ شیر مردین زنده سی

گلمیوب گلمز مثالون عالمه  -----حشر اولونجا سنسن عشقین بنده سی

کیم سنی بیچاره سسلیر نقصی وار  ----- ای شجاعت کشورین گوینده سی

خیبری فتح ایلیوب حیدر بابون  -----سنده الدون کربلا رزمنده سی

ای شهامتده ابوالفضل اوخشاری  -----ای علمدارین گوزل برزنده سی

یازمارام مظلومیسن سهو ایلیم  -----کیم یازوب عشقین اولوب بازنده سی

باغبانسن سن شرافت باغنه  -----ای حیا وعفتین آکنده سی

باخ مقامه حیدره زیبنده سن  -----حیدر اولدی عشقوین جوینده سی

سن او کس سن درسوی زهرا وئروب  ----- مخزن الاسرارین آی دلبنده سی

عشقه دم وردون مسیحا گوزل  ----- ای مسیحا عشقنون پوینده سی

ایندیده تل اوسته وار یورقون سسون  ----- اولسا عشقین قلبیده ن بیننده سی

شامه پرچم ورماغون بیر جنگیدی  -----تاجهان وار ثبت اولوب حقین سسی

کوفه نون لعن ایلدون اشرارینه  -----کوفه اولدی خلقتون شرمنده سی

سن دئدون گولمک حرام السون سیزه  -----گولمیوب مین دورد یوز ایلدی بیر کسی

قالمیوب خضرا کاخندان بیر اثر  ----- قبروین چوخدی ولی سر زنده سی

تلیدی ویرانه دی خضراکاخی  ----- گورنولوب ویرانه نون آینده سی

سن وران پرچم اسور صبح ومسا  -----غملیلردی عشقوین گوینده سی

 

سروده شده توسط حاج قادر دهقان از  مداحان اهل بیت شهرستان پارس آباد

تایپ و انتشار : داریوش مصلح مدیر وبلاگ زینب پیام رسان کربلا